خاندان غلاماں

خاندان غلاماں 1206ء سے 1290ء تک ہندوستان میں سلطنت دہلی پر حکمران رہا۔ اس خاندان کا بانی قطب الدین ایبک تھا جو شہاب الدین غوری کی افواج کا جرنیل اور ہندوستان میں غوری سلطنت کے حصوں کا منتظم تھا۔

خاندان غلاماں Mamluk Sultanate
1206–1290
سلطنت خاندان غلاماں
دار الحکومت	دہلی
عمومی زبانیں	فارسی (سرکاری)
مذہب	سنی اسلام
حکومت	سلطنت
سلطان
• 1206–1210	قطب الدین ایبک
• 1287–1290	معز الدین کیقباد
تاریخ
•	1206
•	1290
ماقبل مابعد چوہان تومر خاندان غوری خاندان Sena Empire خلجی خاندان

1206ء میں غوری کی شہادت کے بعد قطب الدین نے غوری سلطنت کے ہندوستانی حصوں پر اپنی حکومت کا اعلان کر دیا۔ اس نے پہلے لاہور کو دار الحکومت قرار دیا جسے بعد ازاں دہلی منتقل کر دیا گیا۔

قطب 1210ء میں انتقال کرگیا جس کے بعد ایک ترک غلام التتمش تخت پر بیٹھا۔ التتمش قطب الدین کا داماد تھا اور التتمش کے بعد آنے والے تقریبا تمام سلاطین اسی کی اولاد میں سے تھے جن میں اس کی بیٹی رضیہ سلطانہ بھی شامل تھی۔ سلطان ناصر الدین شاہ کی افواج کے سپہ سالار غیاث الدین بلبن نے ہندوستان کو منگولوں کے حملے سے بچانے کے لیے تاریخی کارنامے انجام دیے اور بعد ازاں تخت حاصل کیا۔

خاندان غلاماں کی حکومت کا خاتمہ خلجی خاندان کے جلال الدین فیروز خلجی نے کیا جس نے محمد غوری کے دور میں بہار اور بنگال میں استحکام حاصل کیا تھا۔

سلاطین خاندان غلاماں

سلطان کا نام	دور حکومت
قطب الدین ایبک	1206 - 1210
آرام شاہ	1210 - 1211
شمس الدین التتمش	1211 - 1236
رکن الدین فیروز	1236
رضیہ سلطانہ	1236 - 1240
معز الدین بہرام	1240 - 1242
علاؤ الدین مسعود	1242 - 1246
ناصر الدین محمود	1246 - 1266
غیاث الدین بلبن	1266 - 1286
معز الدین کیقباد	1286 - 1290
کیومرث	1290
خلجی خاندان نے خاندان غلاماں کو ہٹا دیا،

بیرونی روابط

خاندان غلاماں