کاہن

کاہن، کہن یا کوہن (عبرانی : כֹּהֵן کہن، جمع :כֹּהֲנִים کہنویم) عبرانی زبان میں ایک روحانی مقام و مرتبے کا نام ہے۔ یہودیوں کا کاہنوں کے بارے میں یہ عقیدہ ہے کہ وہ جناب ہارون (موسی کے بھائی) کی نسل سے ہیں۔ عربی اور اردو میں کاہن جبکہ عبرانی میں کوہن کہا جاتا ہے۔

ہارون کاہن اعظم اسرائیل

کتاب مقدس میں کئی مقامات پر لفظ کاہن غیر یہودی اہل روحانیت کے لیے بھی استعمال ہوا ہے۔ جس زمانے میں یروشلیم میں معبد موجود تھے۔ کاہن روزمرہ کے دیگر امور کے انجام دہی کے ساتھ قربانی اور ہدیہ جات کے معاملات پر بھی مامور تھے۔

موجودہ دور میں کاہنوں اور عام یہودیوں میں بہت کم فرق ہے لیکن کاہنوں کے لیے جو قوانین ہیں و دیگر تمام یہودیوں سے الگ ہیں۔

عہد نامہ قدیم میں

کاہنوں کا سلسلہ مختلف اوصاف و شرائط سے ہارون سے جا ملتا ہے۔ جس زمانے میں خدا نے ایک عہد دائمی اس کے ساتھ اور اس کے بیٹوں کے ساتھ برقرار رکھا اور جس زمانے میں وہ چالیس برس تک مارے مارے پھرتے رہے تاوقتیکہ یروشلیم میں معبد مقدس کی تعمیر ہو گئی۔ کاہنوں کے ذمے اعمال روزانہ اور یہودیوں کی عیدوں کے لیے قربانی کے معاملات دیکھنا اور انھیں سر انجام دینا تھا۔ معبد اوّل اور دوم کے زمانے میں کاہنوں کے فرائض ایک ہی جیسے تھے۔ وہ چوبیس گروہوں میں تقسیم تھے اور ہر گروہ میں چھ خاندان ہوا کرتے تھے۔ ان چوبیس گروہوں میں سے ہر گروہ ایک پورے ایک ہفتے تک فرائض سر انجام دیتا تھا اور چھ خاندانوں میں سے ہر خاندان کے فرائض کا ایک دن ہوتا تھا ساتویں دن ( یعنی سبت کو ) چھ کے چھ خاندان اکٹھے فرائض سر انجام دیتے تھے۔

چونکہ جناب ہارون قوم لاوی کی نسل سے تھے اس لیے ایک عمومی درجہ بندی انساب کے ضمن میں کاہنوں کو لاوی بھی کہا جاتا تھا، باوجود اس کے کہ تمام لاوی النسل روحانی نہ تھے۔

حوالہ جات

• کتاب مقدس عهد عتیق و عهد جدید، ترجمہ فاضل خان همدانی، ویلیام گلن، هنری مرتن، تهران: اساطیر، 1379، ISBN 964-331-068-X