عبد الجبارشاکر

پروفیسر عبد الجبار شاکر (پیدائش:یکم جنوری 1947ء - 13 اکتوبر 2009ء) پاکستان کے ممتاز عالمِ دین، محقق اور اقبال شناس تھے۔ وہ پنجاب پبلک لائبریری کے ڈائریکٹر جنرل، دعوۃ اکیڈمی اور سیرت اسٹڈی سینٹر، بین الاقوامی اسلامی یونیورسٹی اسلام آباد کے ڈائریکٹر بھی رہے۔

عبد الجبارشاکر
معلومات شخصیت
پیدائش	1 جنوری 1947ء   ضلع قصور ،  برطانوی پنجاب
وفات	13 اکتوبر 2009ء (62 سال)  اسلام آباد
مدفن	شیخوپورہ
شہریت	پاکستان
عملی زندگی
پیشہ	محقق ،  پروفیسر ،  مصنف
پیشہ ورانہ زبان	اردو ،  انگریزی
ملازمت	پنجاب پبلک لائبریری، لاہور ،  بین الاقوامی اسلامی یونیورسٹی
باب ادب

ولادت

پروفیسر عبد الجبار شاکر یکم جنوری 1947ء کو حسین خان والا نزد پتوکی، ضلع قصور میں پیدا ہوئے۔

عملی زندگی

عمر عزیز کا بیشتر حصہ درس و تدریس، مطالعہ اور علمی نوادرات کی تلاش میں گذرا۔ پنجاب پبلک لائبریری، لاہور کے ڈائریکٹر جنرل، دعوۃ اکیڈمی اور سیرت اسٹڈی سینٹر، بین الاقوامی اسلامی یونیورسٹی اسلام آباد کے ڈائریکٹر بھی رہے۔ فیصل مسجد اسلام آباد کے خطیب رہے۔ ان کی کتاب دوستی کا مظہر ان کی وسیع لائبریری بیت الحکمت ہے جس میں تقریباً ایک لاکھ سے زیادہ کتب اور رسائل موجود ہیں۔

تصانیف

• قاموس الاقبال،
• سیرت النبی کے امتیازات،
• مرقع سیرت (2011ء)
• ربیع الاوّل کے واقعات (2012ء)
• خطبات و مقالاتِ سیرت (2013ء)
• علامہ اقبال کی اردو نثر ۔ ترتیبِ نو: ڈاکٹر خالد ندیم، نشریات لاہور (2017ء) یہ ان کے مقالے علامہ اقبال کی غیر مدوّن نثر کی کتابی صورت ہے، جو انھوں نے ایم فل کے لیے علامہ اقبال اوپن یونیورسٹی اسلام آباد سے 1995ء میں مکمل کیا تھا۔
• The

Other Half of the Glorious Quran اور  Anthology of Iqbal Prose شامل ہیں۔ 

وفات

وہ 13 اکتوبر 2009ء کو شفاء انٹرنیشنل ہسپتال ، اسلام آباد میں وفات پا گئے اور شیخوپورہ میں مدفون ہوئے۔

مزید دیکھیے

• حافظ احمد شاکر
• ڈاکٹر خالد ندیم