کارتالکیا ہوٹل میں آگ، 2025ء

21 جنوری 2025ء کو ترکی کے علاقے کارتالکیا سکی ریزورٹ میں گرینڈ کارٹل ہوٹل میں آگ لگ گئی۔ جس میں کم از کم 79 افراد ہلاک اور 51 زخمی ہوئے۔

2007 میں گرینڈ کارٹل ہوٹل
تاریخ	21 جنوری 2025ء (2025ء-01-21)
دورانیہ	12 گھنٹے
میدان	بولو گرینڈ کارٹل ہوٹل
متناسقات	40°35′24″N 31°48′26″E
قسم	آگ
اموات	78
زخمی	51

آگ ممکنہ طور پر ریستوران حصّے میں لگی۔ یہ موسم سرما کے اسکول کی تعطیلات کے دوران ہوا جب زیادہ زائرین ہوتے ہیں۔ آگ کا پیمانہ اسپرینکلرز کی عدم موجودگی کے ساتھ ساتھ فائر الارم اور دیگر حفاظتی نظاموں کے کام نہ کرنے کی وجہ سے اور بڑھ گیا تھا، جب کہ منجمد موسم اور ہوٹل کے دور دراز مقام کی وجہ سے بچاؤ کی کوششوں میں رکاوٹ پیدا ہوئی تھی۔ زیادہ تر متاثرین دم گھٹنے سے ہلاک ہوئے۔

سانحہ

آگ لگنے سے کم از کم 78 افراد ہلاک ہوئے، جن میں کم از کم دو افراد ایسے بھی ہیں جنھوں نے "گھبراہٹ میں" عمارت سے چھلانگ لگا دی، جب کہ 51 دیگر زخمی ہوئے، جن میں سے ایک کی حالت تشویش ناک ہے۔ ممکنہ طور پر زیادہ تر لوگوں کی اموات دم گھٹنے سے ہوئیں۔ مقامی میڈیا کے مطابق، ہلاک ہونے والوں میں کم از کم 20 بچے تھے۔ مرنے والوں میں ایک ہی خاندان کے بہت سے افراد شامل تھے اور ایک خاندان کے دس سے زائد افراد ہلاک ہو گئے۔

نتائج

چھان بین

چھ وکیل اور پانچ ماہرین پر مشتمل ٹیم کو آگ کی تحقیقات کا حکم دیا گیا۔ ہوٹل کے مالک، بولو کے ڈپٹی میئر، سیدات گلنر اور فائر ڈیپارٹمنٹ کے ڈپٹی ڈائریکٹر کینان کوکون سمیت گیارہ افراد کو پوچھ گچھ کے لیے گرفتار کیا گیا تھا۔ ابتدائی اطلاعات کے مطابق آگ ہوٹل کے ریستوران حصّے میں لگی۔

سرکاری رد عمل

الجزائر، آرمینیا، آذربائیجان، بحرین، بیلاروس، بلجئیم، بوسنیا و ہرزیگووینا، برونائی، چین، کولمبیا، کرویئشا، چیک جمہوریہ، مصر، ایتھوپیا، یورپی اتحاد، فرانس، جرمنی، جارجیا، یونان، ترک ثقافت کی بین الاقوامی تنظیم، ایران، عراق، اردن، قازقستان، کوسووہ، کرغیزستان، کویت، نائیجیریا، شمالی قبرص، ترک ریاستوں کی تنظیم، پولینڈ، قطر، پاکستان، روس، روانڈا، سعودی عرب، سربیا، سلوواکیہ، سلووینیا، صومالیہ، سوریہ، یوکرین، متحدہ عرب امارات، ازبکستان، وینیزویلا، اور ویت نام کی طرف سے تعزیتی پیغامات بھیجے گئے۔