اسلم انصاری

ڈاکٹر اسلم انصاری (تاریخ پیدائش: 30 اپریل، 1939ء )وفات 20 اکتوبر 2024

اسلم انصاری
معلومات شخصیت
پیدائش	سنہ 1039ء (عمر 984–985 سال)
باب ادب

ملتان سے تعلق رکھنے والے شاعر، ادیب اور محقق ہیں۔ آپ اردو اور فارسی زبانوں میں شاعری کرتے ہیں۔ اسلم انصاری نے سرائیکی ناول اور اردو افسانہ بھی لکھا ہے۔ اسلم انصاری ملتان کے علاقے پاک گیٹ کے ایک محلے میں پیدا ہوئے .ان کا تعلق ایک علمی اور ادبی گھرانے سے ہے۔ اسلم انصاری نے ایمرسن کالج ملتان سے بی اے کا امتحان پاس کرنے کے بعد اورینٹل کالج لاہور سے ایم اے اردو اعلیٰ نمبروں کے ساتھ مکمل کیا۔ ان کا شمار سید عبد اللہ کے پیارے شاگردوں میں ہوتا تھا۔ یہیں ان کی ملاقات ناصر کاظمی سے ہوئی۔ اسلم انصاری کے مطابق ناصر کاظمی نے پہلی بارش کی غزلوں کا آئیڈیا انھی سے لیا۔ اسلم انصاری کی مثال علم ودانش کے ایک منبع کی ہے۔ ان کے شعر وفکر اقبال کے گہرے اثرات دکھائی دیتے ہیں۔

آئینہ خانہ عالم میں کھڑا سوچتاہو ں میں نہ ہوتا تو یہاں کون سا چہرہ ہوتا

جو سوچیے تو سبھی کارواں میں شامل ہیں جو دیکھیے تو سفر میں ہرایک تنہا ہے

ڈاکٹراسلم انصاری متنوع ادبی جہات کے حامل انسان ہیں۔ان کی شاعری ہو کہ تنقید و تحقیق، ادبی کالم نگاری ہو یا افسانہ نگاری ہر شعبے میں انھیں ایک خاص انفرادیت حاصل ہے۔اسلم انصاری کے کی شخصیت کے بارے میں ڈاکٹرافتخارشفیع رقم طرازہیں:

"ڈاکٹراسلم انصاری ملتان کی اس تہذیب کے وارث ہیں جس کا ایک سرا سمرقنداور بخارا جیسے علمی مراکز سے جا ملتا ہے۔کسی نے میر تقی میر کے بارے میں کہاتھا کہ وہ پورا دہلی تھے۔دہلی اور میر لازم وملزوم تھے۔اسی طرح یہ کہنے میں ہم حق بجانب ہیں کہ اسلم انصاری پورا ملتان ہیں۔یہ الگ بات کہ ان کے فکروتفلسف کی اہمیت کو قومی سطح پرتسلیم کیا جاتا ہے"

اسلم انصاری طویل عرصہ محکمہ تعلیم سے وابستہ رہے .کچھ عرصہ ملتان آرٹس کونسل کے ڈائرکٹر بھی رہے .انھیں حکومت پاکستان کی طرف سے تمغا امتیاز اور تمغا حسن کارکردگی بھی عطا کیا گیا۔ اسلم انصاری کی شعری و ادبی تفہیم کے لیے ڈاکٹر افتخارشفیع اور ڈاکٹر جاوید اصغر کی کتابیں اہم ہیں .

نمونہ کلام اردو

غزل

ہر شخص اس ہجوم میں تنہا دکھائی دے

دنیا بھی اک عجیب تماشا دکھائی دے

اک عمر قطع وادیٔ شب میں گذر گئی

اب تو کہیں سحر کا اجالا دکھائی دے

اے موجۂ سراب تمنا ستم نہ کر

صحرا ہی سامنے ہے تو صحرا دکھائی دے

میں بھی چلا تو پیاس بجھانے کو تھا مگر

ساحل کو دیکھتا ہوں کہ پیاسا دکھائی دے

الفاظ ختم ہوں تو ملے رشتۂ خیال

یہ گرد بیٹھ جائے تو رستہ دکھائی دے

کون اپنا عکس دیکھ کے حیراں پلٹ گیا

چہرہ یہ موج موج میں کس کا دکھائی دے

تو منکر وفا ہے تجھے کیا دکھاؤں دل

غم شعلہ نہاں ہے بھلا کیا دکھائی دے

ہر شب در خیال پہ ٹھہرے وہ ایک چاپ

ہر شب فصیل دل پہ وہ چہرہ دکھائی دے

لب‌ بستگی سے اور کھلے غنچۂ صدا

وہ چپ رہے تو اور بھی گویا دکھائی دے

اسلمؔ غریب‌ شہر سخن ہے کبھی ملیں

کہتے ہیں آدمی تو بھلا سا دکھائی دے

اپنی صدا کی گونج ہی تجھ کو ڈرا نہ دے		اے دل طلسمِ گنبدِ شب میں صدا نہ دے
جوئے نغمات پہ تصویر سی لرزاں دیکھی		لبِ تصویر پہ ٹھہرا ہوا نغمہ دیکھا
جسے درپیش جدائی ہو ا سے کیا معلوم		کون سی بات کو کس طرح بیاں ہونا ہے
خفا نہ ہو کہ ترا حسن ہی کُچھ ایسا تھا		میں تجھ سے پیار نہ کرتا تو اور کیا کرتا

اپنی صدا کی گونج ہی تجھ کو ڈرا نہ دے		اے دل طلسمِ گنبدِ شب میں صدا نہ دے
جوئے نغمات پہ تصویر سی لرزاں دیکھی		لبِ تصویر پہ ٹھہرا ہوا نغمہ دیکھا
جسے درپیش جدائی ہو ا سے کیا معلوم		کون سی بات کو کس طرح بیاں ہونا ہے
خفا نہ ہو کہ ترا حسن ہی کُچھ ایسا تھا		میں تجھ سے پیار نہ کرتا تو اور کیا کرتا

نمونہ کلام فارسی

ای خوشا ذکر علی، راحت جان‌های حزین		آنکہ او قبلہ دل‌ها شدہ از حسین یقین
چہ تهور، چہ شجاعت، چہ تجمل، چہ شکیب		زنده‌تر گشتہ ز تو دین مبین را آئین
بو ترابی پئی تنظیم جهان شد لازم		تا بشر با دل صافی بود و مهر حبین
چون بهار آئنہ سامان شدہ از ذوق حضور		هر گل و غنچہ شدہ نقش و نگار رنگین
از کرم کردن توخاک‌نشینان بر اوج		پیش تو ناجوران هم‌چو گدا خاک‌نشین
صد جهان گم بہ تب و تاب ضیا بخشی تو		از ضیای تو جهان روشن و معمور یقین
عشق از حکمت تو دولت معنی در عقل		عقل از فیض تو در تاج بشر در ثمین
عکس از سطوت نام تو تحیر سامان		نقش از جلوہ عالم تو بهار تمکین
لطف تو خسته‌تنان را نفس باد نسیم		حب تو در دو جهان امن گہ حصن حصین
شمع علم تو فروزندہ اکناف جهان		نور تعلیم تو روشن کن اطراف زمین
نا تو حرف مرا کرد بلاغت آثار		ذکر تو شعر مرا کرد فصاحت آگین
تا کجا یاس ببالد چو معانی بہ بیان		تا بہ کی درد بتازد و قلوب مسکین
در چمن‌زار ولا پیش ترک گام بنہ		حسب دلخواہ از این هر گل مقصود بچین
من کہ افسردہ غم‌های زمانہ اسلمؔ		از خدا خواسته‌ام سایہ این نور مبین

حوالہ جات

1. شاعر پاکستانی از قند فارسی میگوید
2. جدید تر اردو غزل کا فنی مطالعہآرکائیو شدہ بذریعہ lib.bazmeurdu.net
3. منقبت مولٰی علی المرتضیٰ