سراج الحق

سراج الحق خان پاکستان کے باعزت، اسلام پسند سیاست دان ہیں۔آپ 2014 سے 2024 تک جماعت اسلامی پاکستان کے امیر رہے ہیں۔جو پاکستان میں ایک مذہبی، اسلام پسند پارٹی کے طور پر پہچانی جاتی ہے۔ اور پاکستان میں اسلامی شریعت کی بنیاد پر اسلامی قانونی نظام قائم کرنا چاہتی ہے۔ آپ کی پیدائش 5ستمبر 1962ء پختونخوا کے ضلع لوئر دیر میں ثمرباغ کے گاؤں کاکس میں ہوئی۔ آپ اس سے قبل خیبرپختونخوا کے صوبائی اسمبلی میں متعدد مرتبہ منتخب ہوئے اور آپ صوبہ خیبر پختونخواں کے تین دفعہ سینئیر وزیر بھی رہ چکے ہیں۔ آپ ایک انتہائی سادہ مزاج کے مالک ہیں۔ سراج الحق واحد سینٹر اور صوبائی اسمبلی کے رکن ہیں جن کا سود کیوجہ سے کوئی بینک اکاؤنٹ نہیں تھا۔

سراج الحق
مناصب
رکن ایوان بالا پاکستان
رکن مدت 12 مارچ 2015  – 11 مارچ 2021
حلقہ انتخاب	خیبر پختونخوا
امیر
برسر عہدہ 30 مارچ 2024  – 4 اپریل 2024
سید منور حسن   حافظ نعیم الرحمن
معلومات شخصیت
پیدائش	5 ستمبر 1962ء (62 سال)  ضلع دیر زیریں
شہریت	پاکستان
جماعت	جماعت اسلامی پاکستان
عملی زندگی
مادر علمی	جامعۂ پشاور جامعہ پنجاب
پیشہ	سیاست دان

سراج الحق نے اپنی ابتدائی تعلیم خطے کے مقامی ہائی اسکول سے لی اور پشاور یونیورسٹی میں پولیٹیکل سائنس اور 1990 میں پنجاب یونیورسٹی سے ایم اے ایجوکیشن مکمل کیا ۔ یونیورسٹی کی مدت کے دوران، انھوں نے مولانا سید ابوالاعلیٰ مودودی اور مولانا نعیم صدیقی کی کتابوں کی تعلیم حاصل کی۔ انھوں نے اسلامی جمعیت طلبہ میں شمولیت اختیار کی اور 1988 سے 1991 تک اسلامی جمعیت طلبہ کے ناظم اعلیٰ منتخب ہوئے۔وہ PK-95 انتخابی حلقہ سے MPA کے طور پر دو بار منتخب ہوئے ہیں۔