انتون چیخوف

انتون پاؤلاو چ چیخوف (انگریزی : Anton Pavlovich Chekhov ) (پیدائش: 1860ء۔ انتقال: 1904ء) روس کا افسانہ نویس اور ڈراما نگار۔ 1884ء میں انیس برس کی عمر میں چیخوف کے قلمی نام سے مختصر افسانے لکھنے شروع کیے۔ پہلے مجموعے کی کامیابی کے باعث ڈاکٹری ترک کرکے افسانے اور ڈرامے لکھنے شروع کیے۔ سائنسی تربیت نے روسی ادب کو بہت فائدہ پہنچایا اور حقیقت نگاری کا ایک نیا اسلوب روسی ادب کو ملا۔ شروع ہی سے اس کا ذہنی رجحان روسی زندگی کے روزمرہ کے معاملات کی طرف تھا۔ انسانی فطرت کی منفی صفات سفلہ پن، کمینہ پن اورایسی ہی چھوٹی چھوٹی باتوں پر اس نے شدید طنز کیا۔ اس کی تحریروں میں تاجر پیشہ، طلبہ، پادری، اساتذہ، حجام، مجسٹریٹ، اعصابی مریض، پاگل، اعلیٰ افسر، سرکاری افسر، غرض سب طبقوں کی تنگ نظری اور سادہ لوحی یوں ریکارڈ ہو گئی ہے کہ جیسے کیمرے نے زندگی کی تصویر کھینچ لی ہو۔ چیخوف کو جدید افسانہ نگاری کا امام سمجھا جاتا ہے۔ بعض نقادوں کے نزدیک وہ دنیا کا سب سے بڑا افسانہ نگار ہے ۔

انتون چیخوف
(روسی میں: Антон Павлович Чехов)،(روسی میں: Анто́н Па́влович Че́хов)،(روسی میں: Антонъ Павловичъ Чеховъ)
معلومات شخصیت
پیدائشی نام	(روسی میں: Антонъ Павловичъ Чеховъ)
پیدائش	17 جنوری 1860ء   تاجانروج
وفات	15 جولا‎ئی 1904ء (44 سال)
وجہ وفات	سل
طرز وفات	طبعی موت
شہریت	سلطنت روس
عارضہ	سل
عملی زندگی
مادر علمی	فرسٹ ماسکو اسٹیٹ میڈیکل یونیورسٹی
پیشہ	طبیب ،  ناول نگار ،  صحافی ،  مصنف ،  نثر نگار ،  ڈراما نگار ،  افسانہ نگار
پیشہ ورانہ زبان	روسی
شعبۂ عمل	نثر ،  ڈراما ،  طب
مؤثر	ہينرک ابسن ،  ایوان ترگنیف ،  گستاف فلابیر ،  نکولائی گوگول ،  ایملی زولا ،  الیگزیندر پشکن ،  ٹالسٹائی ،  گے د موپساں ،  بالزاک ،  فیودر دوستوئیفسکی
دستخط
	IMDB پر صفحات
باب ادب

فائل:Chekhov.jpg

انتون چیخوف

حالات زندگی

روس کے مشہور ادیب، مصنف، افسانہ نگار  اور ڈراما نویس انتون پاؤلاو چ چیخوف، 29 جنوری 1860ء میں روس کے شہر ٹیگانرگ میں پیدا ہوئے۔ وہ اپنے بہن بھائیوں میں تیسرے نمبر پر تھے۔ ان کے والد پاول سودا سلف کی ایک چھوٹی دکان چلاتے تھے مگر وہ ایک سخت مزاج  انسان تھے اور اپنی بیوی اور بچوں پر مارپیٹ کرتے تھے۔ چیخوف  کے بچپن کی ناخوشگوار یادیں ان پر تمام عمر حاوی رہیں۔ چیخوف  اسکول میں داخل ہوئے مگر  تعلیمی میدان میں اوسط درجے کی کارکردگی کا مظاہرہ کرتے رہے۔ البتہ ان کی والدہ محبت کرنے والی خاتون تھیں اور قصہ گوئی کے ذریعے اپنے بچوں کی تربیت کرتی تھیں۔  1876ء  میں چیخوف کا باپ  دیوالیہ ہونے پر  قرضہ کی ادائیگی کے خوف سے چیخوف کو اکیلا چھوڑ کر اپنے خاندان کے ہمراہ ماس کو بھاگ گیا۔ چیخوف نے ہمت نہیں ہاری اور ٹیوشن اور چھوٹے موٹے کام کر کے اپنے تعلیمی اخراجات پورے کرتے رہے اور تین سال بعد ماس کو اپنے خاندان سے جا ملے۔ وہاں پر انھوں نے ایک طبی کالج میں داخلہ لے لیا اور 1884ء میں انیس برس کی عمر میں اپنے تعلیمی اخراجات پورے کرنے کے لیے چیخوف کے قلمی نام سے ایک روزنامہ Humorous Sketches میں کالم  اور مختصر افسانے لکھنے شروع کیے۔   پہلے مجموعے کی کامیابی کے باعث ڈاکٹری ترک کرکے افسانے اور ڈرامے لکھنے شروع کیے۔   انھیں ٹی بی کا مرض بھی لاحق ہو گیا تھا جو انھوں نے اپنے خاندان سے چھپائے رکھا  اور اسی مرض میں 15 جولائی 1904ء کو جرمنی کے شہر بیدینويلر میں انتقال کر گئے۔  چیخوف کو جدید افسانہ نگاری کا بانی سمجھا جاتا ہے اور ان کی کہانیاں دنیا کے مبصرین اور ناقدین کے درمیان میں بہت احترام کا درجہ رکھتی ہیں اور سراہی جاتی ہیں۔

چیخوف   کے تمام افسانوں کا رجحان زندگی کے روزمرہ کے معاملات کی طرف ہوتا۔   انسانی فطرت اور چھوٹی چھوٹی باتوں پرانھوں نے شدید طنز کیا۔ ان کی تحریروں میں سب طبقوں کی تنگ نظری اور سادہ لوحی یوں ریکارڈ ہو گئی ہے کہ جیسے کیمرے نے زندگی کی تصویر کھینچ لی ہو۔

وہ اپنی پوری ادبی زندگی کے دوران میں ڈاکٹری کرتا رہا اس کا کہنا تھا کہ 'ڈاکٹری میری قانونی بیوی ہے اور ادب میری رکھیل ہے '"۔ اس نے لکھنا صرف پیسے کمانے کے لیے شروع کیا تھا مگر جیسے جیسے اُس کی فنکارنہ طلب بڑھتی گئی اُس نے لکھنے میں جدت شروع کی جس سے بعد میں بہت سے مصنفین متاثر ہوئے ۔ وہ کبھی اپنے کام کے مشکل ہونے پر پشیمان نہیں ہوا بلکہ اُس کا کہنا تھا کہ فنکار کا کام سوال کرنا ہے نہ کا جواب دینا ۔

بیرونی روابط

• Biographyآرکائیو شدہ بذریعہ kirjasto.sci.fi at books and writers (Petri Liukkonen)
• Biography at The Literature Network
• "Chekhov's Legacy" by کارنیل رونالڈ ویسٹ at NPR، 2004
• Campaign to save Chekhov's house in Yaltaآرکائیو شدہ بذریعہ yaltachekhov.org
• Works by and about Anton Chekhov at انٹرنیٹ آرکائیو۔ Scanned books, color, some illustrated, original editions.
• Recorded Stories of Anton Chekhov at انٹرنیٹ آرکائیو۔ Translated by Constance Garnett, Marion Fell, and others. Presented in mp3 and ogg format.
• 201 Stories by Anton Chekhov، translated by Constance Garnett presented in chronological order of Russian publication with annotations.